ԱԳ նախարար Արարատ Միրզոյեան Մոսկուայի մէջ հանդիպումներ պիտի ունենայ Լաւրովի եւ Զասի հետ

Հայաստանի արտաքին գործոց նախարար Արարատ Միրզոյեանը 30-31 Օգոստոսին աշխատանքային այցով պիտի գտնուի Ռուսաստանի Դաշնութիւն: Ինչպէս կը յայտնեն ՀՀ ԱԳՆ-էն, տեղի պիտի ունենայ ԱԳ նախարար Արարատ Միրզոյեանի հանդիպումը ՌԴ արտաքին գործոց նախարար Սերկէյ Լաւրովի հետ, որուն պիտի յաջորդէ մամուլի ասուլիսը։ Այցի շրջածիրէն ներս նախատեսուած է նաեւ հանդիպում ՀԱՊԿ գլխաւոր քարտուղար Սթանիսլաւ Զասի հետ։