armtimes.com-ի տեղեկութիւններով՝ ՀՀ Ազգային ժողովի նախագահ Արարատ Միրզոյեանն այս պահուն կը հանդիպի «Իմ քայլը» խմբակցութեան անդամներուն հետ:
Միրզոյեանը երէկուընէ վերադարձած է աշխատանքի եւ խմբակցութեան հետ այսօրուան հանդիպումը աշխատանքային գործընթացի վերադառնալու ծիրէն ներս է: Եկող շաբաթ ԱԺ-ի մէջ նախատեսուած է հերթական քառօրեան:
Յիշեցնենք, որ Միրզոյեանը դաժան ծեծի ենթարկուած էր 10 նոյեմբերի գիշերը՝ Արցախի մէջ պատերազմը դադրեցնելու մասին եռակողմ յայտարարութեան ստորագրման մասին յայտնի դառնալէն ետք: ԱԺ նախագահին իր մեքենայէն դուրս բերած եւ ծեծած էին Երեւանի մէջ սկսած անկարգութիւններու մասնակիցները:
Դէպքէն ետք ԱԺ նախագահը քանի մը անգամ վիրահատուեցաւ:
