Այսօր առաւօտեան` ժամը 10:00-10:15 սահմաններուն, հերթական անգամ խախտելով հրադադարի ռեժիմը, ատրպէյճանական կողմը անօդաչուներով (որոնցմէ մէկը ինկած է ՀՀ տարածքին մէջ) եւ հրթիռահրետանային միջոցներով հրետակոծած է ՀՀ հարաւային սահմանի Իրանի հետ հատման կէտի հայկական սահմանապահ ուղեկալի դիրքերը:
Արձանագրելով հրադադարի ռեժիմի հերթական խախտումը եւ ՀՀ պետական սահմանի հրետակոծութիւնը, ՀՀ պաշտպանութեան նախարարութիւնը կը յայտարարէ, որ ստիպուած պիտի ըլլայ պատասխան հարուածներ հասցնել ատրպէյճանական ուժերու ուղղութեամբ:
