Ատրպէյճանի զինուած ուժերու ստորաբաժանումները 13 Սեպտեմբերին՝ կէս գիշերուան ժամը 00:05էն սկսեալ, Գորիսի, Սոթքի եւ Ջերմուկի ուղղութեամբ հրետանային միջոցներով, մեծ տրամաչափի հրաձգային զինատեսակներով սկսան բուռն կերպով կրակել հայկական դիրքերու ուղղութեամբ։ Լուրը հաղորդեց Հայաստանի պաշտպանութեան նախարարութեան բանբերը:
Ան նշած է, որ հակառակորդը կը կիրարկէ նաեւ անօդաչու թռչող սարքեր։
Իրադրութիւնը հայ-ատրպէյճանական սահմանին ժամը 05.00-ի դրութեամբ փոփոխութիւններ չէ կրած: Սահմանի որոշ հատուածներուն կ’ընթանան դիրքային մարտեր, յայտարարած է ՀՀ պաշտպանության նախարարութեան մամուլի խօսնակ Արամ Թորոսեանը:
«Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի եւ Կապանի ուղղութիւններով կիրառել հրետանային միջոցներ, ականանետեր, ԱԹՍ-ներ եւ խոշոր տրամաչափի հրաձգային զինատեսակներ՝ թիրախաւորելով ինչպէս ռազմական, այնպէս էլ քաղաքացիական ենթակառուցուածքները»,-ըսած է ան:
Խօսնակը աւելցուցած է, որ ՀՀ ԶՈՒ-ն անհրաժեշտ պատասխան կու տայ եւ ամբողջ ծաւալով կը կատարէ իր առջեւ դրուած մարտական խնդիրը: Հայկական կողմի կորուստներու վերաբերեալ տուեալները կը ճշդուին:
«Ստեղծուած իրադութեան եւ դրա հետագայ զարգացումների ողջ պատասխանատւութիւնը կրում է Ատրպէյճանի ռազմաքաղաքական ղեկավարութիւնը»,-յայտատարած է Թորոսեան:
