Արցախի նախագահ Արայիկ Յարութիւնեանը վաղ առաւօտեան այցելած է Ստեփանակերտը պաշտպանող մարտական դիրքեր, տեղւոյն վրայ զրուցած է Պաշտպանութեան բանակի մարտիկներու ու աշխարհազօրայիններու հետ, որոնք աւելի, քան մէկ օր է, ետ կը մղեն մայրաքաղաքի վրայ Շուշիէն գրոհող թշնամիի հրոսակախմբերը:
Այս մասին նախագահը յայտնած է դիմատետրի իր էջին՝ աւելցնելով.
«Շրջայցի ընթացքին հանդիպած եմ նաեւ զօրավար Մնացականեանին: Այն մեծածաւալ ու անգնահատելի ծառայութիւնը, որ այս օրերուն ան կը մատուցէ Հարենիքին, պիտի ներկայացուի պատերազմէն ետք»:
