Արցախի Հանրապետութեան նախագահ Արայիկ Յարութիւնեան, 28 դեկտեմբերին, ընդունած է Ազգային ժողովին մէջ ներկայացուած քաղաքական ուժերու ներկայացուցիչները:
Հանդիպման մասնակցած են նաեւ ԱԺ նախագահ Արթուր Թովմասեանը, Անվտանգութեան խորհուրդի քարտուղար Վիթալի Բալասանեանը, Նախագահի աշխատակազմի ղեկավար Կարէն Շահրամանեանը:
Քննարկուած են Ատրպէյճանի կողմէ Լաչինի միջանցքի շրջափակման հետեւանքով հանրապետութեան մէջ ստեղծուած ռազմաքաղաքական ու մարդասիրական իրավիճակը եւ ատոր հետ կապուած խնդիրներու լուծման ուղիները:
