28 Սեպտեմբերին` ժամը 06:50-ի սահմանին, ՊԲ հիւսիսային ուղղութեամբ տեղակայուած զօրամասերէն մէկու պահպանութեան տեղամասին մէջ, դեռ չպարզուած հանգամանքներու մէջ, մահացու հրազէնային վիրաւորում ստացած է ՊԲ զինծառայող, 1999-ի ծնունդ Արման Արմէնի Լեւոնեանը: Այս մասին կը տեղեկացնէ Արցախի ՊՆ մամուլի ծառայութիւնը:
Դէպքի մանրամասները պարզելու համար կը կատարուի քննութիւն:
Արցախի Հանրապետութեան պաշտպանութեան նախարարութիւնը կը կիսէ կորստեան ծանր վիշտը եւ իր զօրակցութիւնը կը յայտնէ մահացած զինծառայողի ընտանիքի անդամներուն, հարազատներուն ու ծառայակիցներուն:
