Արցախի ՊԲ-ն այս գիշեր տեսանիւթ հրապարակած է, ուր կը ներկայացուին խոցուած ատրպէյճանական ԱԹՍ-ներ: Քատրերէն մէկուն մէջ կ’երեւայ գանատական արտադրութեան CMX 15D օփթիքա (տեսագրող աչք), որ կ’ըլլայ թրքական արտադրութեան հարուածային Bayraktar TB2 ԱԹՍ-ներու վրայ, որ կը նշանակէ, թէ հայկական կողմը առնուազն մէկ Bayraktar խոցած է:
Razminfo-ն նշած է, որ այս տեսագրող աչքով զինուած են նաեւ թրքական արտադրութեան մէկ այլ` Anka ԱԹՍ-ները, այսինքն կարելի չէ բացառել նաեւ անոր խոցումը, թէպէտ Ատրպէյճանի զինուած ուժերուն մէջ անոնց առկայութեան մասին տեղեկութիւն որեւէ բաց աղբիւրի մէջ մինչ այս չէ հանդիպած:
