ՀՀ պաշտպանութեան նախարար Սուրէն Պապիկեան այսօր այցելած է մարտական հերթապահութիւն իրականացնող զօրամասի ստորաբաժանումներէ մէկու մշտական տեղակայման վայր։ Տեղեկութիւնը յայտնած է գերատեսչութեան մամուլի ծառայութիւնը։
Նախարարը ներկայ գտնուած է մարտական հերթափոխի համար շարուած անձնակազմը մարտական դիրքեր ճանապարհելու արարողութեան:
Ան իր ելոյթին մէջ անվտանգ ծառայութիւն մաղթած է հերթափոխի մեկնող զինծառայողներուն` վստահեցնելով, որ գերատեսչութիւնը ջանք պիտի չխնայէ զինուորական ծառայութեան, մարտական հերթապահութեան կրման, զինծառայողներու ընկերային պայմանները բարելաւելու համար:
