Գոյժ. Ոչ եւս է Սոնիա Քէպապճեան-Գարատանայեան (Մահազդ)

Երեւանի մէջ, Հոկտեմբեր 24-ին, իր մահկանացուն կնքեց տիկին Սոնիա Քէպապճեան-Գարատանայեանը։

Հանգուցեալը ծնած էր Հալէպ, 1945-ին:

Հարազատներու եւ բարեկամներու լայն շրջանակներուն մէջ սիրուած եւ յարգուած Տիկին Սոնան, նուիրեալ հայ մօր իրական կերպարով ազգային գիտակցութեան դաստիարակութեամբ խնամած ու հասցուցած է իր երկու զաւակները։

Հանգուցեալի հոգեհանգստեան արարողութիւնը տեղի պիտի ունենայ Երեւանի մէջ, Երկուշաբթի՝ 26 Հոկտեմբեր 2020-ին, ժամը 14:30-ին, Մալաթիոյ Սուրբ Աստուածածին եկեղեցւոյ մէջ: 

Հանգուցեալի ընտանիքի խնդրանքով, փոխան ծաղկեպսակի, նուիրատւութիւնները կը խնդրուի կատարել «Զինծառայողների Ապահովագրութեան Հիմնադրամ»ին, սոյն յղումով՝

https://www.1000plus.am/en/payment

Ռամկավար Ազատական Կուսակցութեան Կեդրոնական Վարչութիւնը իր խորազգաց  ցաւակցութիւնները  կը յայտնէ  ՌԱԿ Կեդրոնական Վարչութեան անդամ  Ընկ. Ալեքսան Գարատանայեանին եւ անոր քրոջ՝ Սօսի Տէմիրճեան Գարատանայեանին, իրենց մօր մահուան տխուր առիթով:

Աստուած հոգին լուսաւորէ տիպար Հայ մօր:

Օրհնութիւն անոր անթառամ յիշատակին եւ յաւերժ լոյս ու խաղաղութիւն  անոր հոգիին:

ՌԱԿ Կեդրոնական Վարչութիւն