Հոկտեմբեր 7-ին Արտաքին գործոց նախարար Զոհրապ Մնացականեանը ընդունած է ԱՄՆ Քոնկրէսի ներկայացուցիչներու պալատի եւ հայկական հարցերով յանձնախումբի անդամներ Ճեքի Սփիրը եւ Ճուտի ճուն:
Ողջունելով քոնկրէսականները՝ նախարար Մնացականեանը գոհունակութեամբ նշած է, որ Հայաստանը կը կարեւորէ հայ-ամերիկեան երկխօսութիւնը տարբեր մակարդակներու վրայ՝ այդ ծիրէն ներս բարձր գնահատելով քոնկրէսականներու ջանքերը՝ ուղղուած հայ-ամերիկեան գործընկերութեան ամրապնդման եւ բազմաթիւ հայանպաստ նախաձեռնութիւններու կեանքի կոչման:
Նախարար Մնացականեանը Ճեքի Սփիրին եւ Ճուտի Ճուին ներկայացուցած է Հայաստանի արտաքին քաղաքական առաջնահերթութիւնները, կառավարութեան՝ ժողովուրդի կողմէ տրուած լայն մանտաթի շրջածիրէն ներս նախաձեռնած բարեփոխումներու գործընթացը:
Հանդիպման ժամանակ արծարծուած են միջազգային եւ տարածաշրջանային կարեւորութեան շարք մը արդիական հարցեր:
