Խորապէս կը հաւատանք, որ մեր երիտասարդութիւնը պէտք է իրաւունք ունենայ բարձրագոյն կրթութեան. Հոյեչմէն կրթաթոշակներու ծրագիր

1937-ին Երուսաղէմի Հոյեչմէն Ակումբի հիմնադրութենէն ի վեր, ջանացած ենք օգտակար ըլլալ մեր համայնքին եւ, մասնաւորապէս, յնարաւորութիւն տալ մեր երիտասարդ սերունդին՝ դառնալու առաջնորդներ աշխարհի զանազան բնագաւառներուն մէջ:

Սկաուտական, մարզական, մշակութային եւ ժամանցային գործունէութիւններու մասնակցութեան միջոցով, կը շարունակենք Հոյեչմէնի մեր երիտասարդութիւնը օժտել եզակի առաջնորդական եւ միջանձնային հմտութիւններով՝ ապագային ծառայելու որպէս ակումբի առաջնորդներ եւ ապահովելու մեր համայնքի զօրութիւնը:

<pՑաւոք, տարածաշրջանային եւ համաշխարհային ներկայ քաղաքական ու տնտեսական պայմաններուն բերումով, Երուսաղէմի հայ համայնքը կը դիմագրաւէ հսկայական մարտահրաւէրներ:

Ականատես եղած ենք մեր համայնքի անդամներու թիւին զգալի անկումին, որ կը ստիպէ մեր ամէնէն տաղանդաւոր եւ ընդունակ ուսանողներէն ոմանք առիթներ փնտռել արտասահման:

Աւելին, համաշխարհային COVID-19 համաճարակը աւելի սրած է գոյութիւն ունեցող դժուարութիւնները, մանաւանդ մեր երիտասարդ սերունդին դիմագրաւած մարտահրաւէրները, խիստ սահմանափակելով բարձրագոյն կրթութեան հասանելիութիւնը:

Խորապէս կը հաւատանք, որ մեր երիտասարդութիւնը պէտք է իրաւունք ունենայ բարձրագոյն կրթութեան, որովհետեւ առանց բարձրագոյն կրթութեան մեր համայնքի անդամները, յատկապէս երիտասարդութիւնը, ապագային պիտի տառապին աւելի մեծ դժուարութիւններով:

Հոյեչմէնի Գործադիր Յանձնաժողովը կը քաջալերէ ձգտող ուսանողները բարձրագոյն կրթութիւն ստանալու Իսրայէլի եւ Արեւմտեան Ափին մէջ: Մեր մտադրութիւնն է առաջարկել կրթաթոշակներ՝ անհրաժեշտ օժանդակութիւն ցուցաբերելու ֆինանսական օգնութեան ձեւով:

Կը յուսանք, որ այս կրթաթոշակները պիտի յնարաւորութիւն տան իրաւասու դիմորդներուն վարելու յաջող եւ պայծառ ապագայ մը եւ վերադարձնելու մեր հայ համայնքին Երուսաղէմի մէջ եւ, ամենակարեւորը, հաստատուն մնալու Սուրբ Երկրին մէջ:

Երանի՜ մեզի, որ ունինք Հոյեչմէնի անդամներ աշխարհի չորս ծագերուն, որոնք կը շարունակեն ֆինանսական օգնութիւն տրամադրել ակումբին: Հոյեչմէնը երկրորդ տուն եւ դպրոց եղած է բազմաթիւ յաջողակ անհատներու համար աշխարհի չորս ծագերուն եւ մեր համայնքին մէջ Երուսաղէմի, որոնք այսօր ալ գործուն են: Հոս է, որ շատ երիտասարդներ յայտնաբերած են եւ կը շարունակեն յայտնաբերել իրենց կարողութիւնները եւ ապագայի ներուժը:

Կրթաթոշակի ծրագիր.

Նուիրատուութիւնները հաւաքելէ ետք, Հոյեչմէնի Գործադիր Յանձնաժողովը պիտի առաջարկէ միանուագ կրթաթոշակ թեկնածուներուն՝ համաձայն ստորեւ նշուած իրաւասութեան չափանիշներուն:

Իրաւասութեան չափանիշներ.

— Երկրորդական վարժարանի միջին գնահատականը՝ 85:

— Համալսարան դիմել Իսրայէլի կամ Արեւմտեան Ափի որեւէ կողմ:

— Նուազագոյնը 40 ժամ կամաւորական աշխատանք Հոյեչմէն Ակումբին կամ համայնքին մէջ Երուսաղէմի մէկ տարուան ընթացքին:

— Համաձայնիլ գործածել ստացուած վկայականը եւ սորված հմտութիւնները՝ ի օգուտ Հոյեչմէնի եւ համայնքի:

— Նուազագոյնը երկու յանձնարարական նամակ վարժարանի վարչութենէն եւ ուսուցիչներէն:

— Ծածկող նամակ կրթաթոշակի յանձնաժողովին՝ ցուցադրելով դիմորդի հմտութիւնները, ներուժը եւ ինչո՞ւ ան արժանի է կրթաթոշակի արժանանալու:

Ֆինանսական օգնութիւն.

— Հաւաքուած նուիրատուութիւններու գումարները հաւասարապէս պիտի բաժնուին յաջողակ դիմորդներուն միջեւ:

— Գործադիր Յանձնաժողովի անդամ մը պիտի առաջնորդէ թեկնածուն ամբողջ ընթացքին եւ անդորրագիրը պիտի ներկայացուի նուիրատուներուն:

— Բոլոր նուիրատուները պիտի արժանանան յարգալիր գնահատանքի եւ սրտագին երախտագիտութեան՝ Գործադիր Յանձնաժողովէն եւ կրթաթոշակի դիմորդէն:

Սիրելի անդամներ եւ օժանդակողներ.

Կը հաւատանք, որ ձեր ներդրումը այս ծրագրին պիտի մեծապէս նպաստէ հայ երիտասարդութեան մղելուն եւ պիտի յնարաւորութիւն տայ անոնց իրականացնելու իրենց ապագայի նպատակները: Եկէք ձեռք ձեռքի տուած աշխատինք՝ տարբերութիւն մը ստեղծելու մեր երիտասարդութեան կեանքերուն մէջ:

Հոյեչմէնի Գործադիր Յանձնաժողովը պատրաստ է պատասխանելու բոլոր հարցումներուն ծրագրին մասին: Ոեւէ հարցում կրնայ ուղարկուիլ մեր էլ. փոստի հասցէին ([email protected]) կամ Zoom հանդիպում կազմակերպելով Յանձնաժողովին հետ:

Յարգանքով՝

Հոյեչմէնի Գործադիր Յանձնաժողով