Կապանի բժշկական կեդրոնը յայտարարութիւն տարածած է՝ հերքելով համացանցի մէջ տարածուող այն լուրը, որ Կապանի Բժշկական կեդրոնին մէջ քորոնա ժահրով վարակուած հիւանդներ կը բուժուին:
«Համացանցի մէջ տարածուած կեղծ լուրերը՝ իբր Կապանի ԲԿ-ի մէջ քորոնա ժահրով հիւանդներ մեկուսացուած են, չեն համապատասխաներ իրականութեան։
Պաշտօնապէս կը յայտնենք, որ առ այսօր ոչ մէկ նման կասկածելի հիւանդ մեզի չէ դիմած, հիւանդանոց չէ տեղափոխուած եւ առաւել եւս՝ չէ մեկուսացուած:
Կը խնդրենք խուճապի չմատնուիլ եւ հետեւիլ միայն պաշտօնական լրահոսին»։
