Վերջին մէկ տարուան ընթացքին Ամերիապանքը եւ Սիմպիոթիքսը երկու ստորադաս վարկային պայմանագիր կնքած են, որոնց ներքոյ տրամադրուող ֆինանսական միջոցները պիտի ուղղուին հայաստանեան ձեռնարկութիւններու, առաջին հերթին` փոքր եւ միջին ձեռնարկութիւններու աջակցութեան:
Ամերիապանքը հիւրընկալած էր Սիմպիոթիքս ընկերութեան Շուկաներու բաժանմունքի ղեկավար Ուինսընթ Լեհները. «Կը կարծեմ` այժմ Հայաստանին մէջ ներդրումներ կատարելու շատ յարմար պահ է. Հայաստանը շատ լաւ հիմք է մեզի եւ մեր ձեռնարկութիւնը զարգացնելու համար:
Մենք ներդրումներ կը կատարենք յանուն ապագայի. յանուն պանքի, երկրի, ինչպէս նաեւ մեր ընկերութեան` Սիմպիոթիքս-ի ապագայի: Ամերիան հիանալի գործընկեր է: Մեր համագործակցութիւնն իսկապէս կ’ապացուցէ, որ մենք նոյն ուղղութեամբ կը շարժինք, նոյն նպատակները կը հետապնդենք, միասին կրնանք հասնիլ ցանկալի արդիւնքներու եւ աջակցիլ ձեռնարկութիւններուն»:
