15 Հոկտեմբերի ժամը 11:00-ի դրութեամբ հաստատուած է «Քորոնա» ժահրային հիւանդութեան ընդհանուր 59 995 դէպք, որմէ 47 119-ը՝ առողջացած,1046-ը՝ մահուան ելքով: «Քորոնա» ժահրային հիւանդութեամբ այս պահուն փաստացի բուժում կը ստանայ 11 519 հիւանդ: Ընդհանուր առմամբ կատարուած է 336 111 քննութիւն:
Այսպիսով՝ երէկ կատարուած է 3957 քննութիւն, որմէ հաստատուած է «Քորոնա» ժահրային հիւանդութեան 1371 նոր դէպք: Ունինք 406 առողջացած:
Մահուան դէպքերու վերաբերեալ ՀՀ ԱՆ-էն կը յայտնեն, որ հիւանդները եղած են 70 (տղամարդ), 68 (տղամարդ), 79 (տղամարդ), 67 (կին), 75 (կին), 63 (կին) և 62 (կին) տարեկան։ Բոլորն ալ ունեցած են ուղեկցող քրոնիկ հիւանդութիւններ։
