Աշխարհահռչակ հեռուստաաստղ Քիմ Քարտաշեանը իր «Ինսթակրամ»-ի էջի միլիոնաւոր հետեւորդներուն հետ կիսուած է ԱՄՆ Ներկայացուցիչներու պալատի՝ Հայոց ցեղասպանութիւնը ճանչցող պատմական բանաձեւի ընդունման մասին հրապարակումներով: «Արմէնբրես»-ի հաղորդմամբ՝ մասնաւորապէս Քարտաշեանը «սթորի» բաժնին մէջ հրապարկած է նկար, որուն մէջ գրուած է՝ «Այսօր մենք պատմութիւն կերտեցինք»: Յաջորդ նկարով Քարտաշեանն իր հետեւորդներուն ներկայացուցած է բանաձեւի քուէարկութեան արդիւնքները:
Հեռուստաաստղը իր 150 միլիոն հետեւորդներուն հետ կիսուած է նաեւ «Թուիթըր»-ի մէջ ՀՀ վարչապետ Նիկոլ Փաշինեանի՝ բանաձեւի ընդունման վերաբերեալ կատարած գրառմամբ: Քարտաշեանը նաեւ մաղթած է բարի ընթերցանութիւն՝ տրամադրելով «The New Yor Times»-ի՝ բանաձեւի ընդունման վերաբերեալ հրապարկման աշխոյժ յղումը:
Նախքան բանաձեւի ընդունումը աշխարհահռչակ հեռուստաաստղը կոչ ըրած էր ամերիկահայերուն՝ ԱՄՆ ներկայացուցիչներու պալատէն պահանջել ընդունիլ հայոց ցեղասպանութիւնը:
