«COVID-19 Հայաստան. Միասին յաղթահարենք համաճարակը» խորագրով
համահայկական դրամահաւաքի մասին Նախագահ Արմէն Սարգսեանի կոչը.-
Հաշուի առնելով նոր «Քորոնա» ժահրի համաճարակի տարածման վտանգները, ինչպէս նաեւ անկէ բխող առողջապահական, ընկերային-տնտեսական համաշխարհային մարտահրաւէրները, «Հայաստան» համահայկական հիմնադրամը ընդգրկուն ու համապարփակ ձեւաչափով կ’ընդլայնէ «COVID-19 Հայաստան. Միասին յաղթահարենք համաճարակը» խորագրով համահայկական դրամահաւաքը:
Կոչ կ’ընեմ Հիմնադրամի հոգաբարձուներու խորհուրդի կազմին մէջ ընդգրկուած բոլոր պետական այրերուն, հոգեւոր առաջնորդներուն, սփիւռքի մէջ գործող կուսակցութիւններուն եւ կազմակերպութիւններուն, անհատներուն՝ իրենց ողջ ներուժն ուղղելու այս դրամահաւաքին, օգտագործելով բացառապէս Հիմնադրամի խողովակները: Այն է՝ դրամական փոխանցումներ իրականացնել «Հայաստան» համահայկական հիմնադրամի կայքին մէջ յատուկ այս նախաձեռնութեան համար ստեղծուած առցանց հարթակին կամ դրամատնային հաշուեհամարի միջոցով, ինչպէս նաեւ սփիւռքի համայնքներուն մէջ կապուիլ Հիմնադրամի տեղական կազմակերպութիւններու ներկայացուցիչներուն հետ՝ հաւաքագրուած միջոցները նաեւ այդ խողովակներով Հիմնադրամին փոխանցելու նպատակով:
Հաւաքագրուած ողջ միջոցները պիտի ուղղուին առողջապահութեան ոլորտին, ինչպէս նաեւ ամենահրատապ անհրաժեշտութիւն ունեցող ընկերային խնդիրներու լուծման:
Հայաստանի Հանրապետութեան Նախագահ,
«Հայաստան» Համահայկական Հիմնադրամի
Հոգաբարձուներու Խորհուրդի Նախագահ
Արմէն Սարգսեան
15 Ապրիլ, 2020թ.
