Վերջին մէկ օրուան մէջ 825 փախստական Հայաստանէն վերադարձած է Լեռնային Ղարաբաղ: Այս մասին կը յայտնէ РИА Новости-ն՝ յղում ընելով ՌԴ ՊՆ հաղորդագրութեան:
Նշուած է, որ Երեւանէն Ստեփանակերտ ուղեւորուած հանրակառքերու տեղաշարժը իրականացուած է ռուս խաղաղապահ ուժերու եւ ռազմական ոստիկանութեան հերթապահներու ուղեկցութեամբ: Ընդհանուր առմամբ, աւելի քան 39 000 մարդ վերադարձած է իրենց մշտական բնակութեան վայր:
Ռուս խաղաղապահները հրադադարի ռեժիմի պահպանման շուրջօրեայ վերահսկողութիւն կ’իրականացնեն 23 դիտակէտերու միջոցաւ:
