Հայաստան պաշտօնական այցի ծիրէն ներս Ռուսիոյ արտաքին գործոց նախարար Սերկէյ լաւրով ՀՀ ԱԳ փոխնախարար Շաւարշ Քոչարեանի եւ Հայոց Ցեղասպանութեան թանգարան-հիմնարկի տնօրէն Յարութիւն Մարութեանի ուղեկցութեամբ այցելած է Հայոց Ցեղասպանութեան յուշահամալիր: Այս մասին կը հաղորդէ ՀՀ արտաքին գործոց նախարարութենէն:
Լաւրով ծաղկեպսակ դրած է եւ յարգանքի տուրք մատուցած Հայոց Ցեղասպանութեան զոհերու յիշատակին, ապա ջրած Յիշողութեան պուրակին մէջ 12 տարի առաջ իր տնկած եղեւնին:
