Վարչապետի պաշտօնակատար՝ Նիկոլ Փաշինեանի գլխաւորութեամբ տեղի ունեցած է Անվտանգութեան խորհուրդի ընդլայնուած կազմով նիստ։ Այս մասին յայտնած են ՀՀ վարչապետի աշխատակազմէն:
Քննարկուած են հայ-ատրպէյճանական սահմանին ստեղծուած իրավիճակի կարգաւորման ուղղութեամբ բանակցութիւններու ընթացքին եւ Հայաստանի ինքնիշխան տարածքի անձեռնմխելիութեան ապահովման ուղղուած հետագայ քայլերուն վերաբերող հարցեր։
