Այսօր՝ 19 փետրուարին Սիւնիքի մէջ պիտի կայանայ Սիւնիքի անվտանգային հարցերով զբաղող միջգերատեսչական աշխատանքային խումբի նիստը: Այս մասին «Փասթինֆո»-ի հետ զրոյցի ժամանակ ըսած է «Իմ քայլը» խմբակցութեան պատգամաւոր Արմէն Խաչատրեանը:
Նիստին պիտի մասնակցին փոխնախարարներ, գերատեսչութիւններու ներկայացուցիչներ եւ պատգամաւորներ.
«Նիստը տեղի կ’ունենայ Գորայքում: Նիստի նպատակը յետպատերազմեան ժամանակահատուածում Սիւնիքում առաջացած խնդիրներն արձանագրելն է, օփերաթիւ կերպով այդ խնդիրներին լուծում տալը, իսկ այն խնդիրները, որոնք օփերաթիւ լուծման ենթակայ չեն, կը ներկայացնենք կառավարութիւն»,-ըսած է Արմէն Խաչատրեանը։
Սիւնեցի պատգամաւորը յայտնած է նաեւ, որ սա աշխատանքային խումբի երրորդ նիստն է:
Յիշեցնենք, որ Սիւնիքի անվտանգային հարցերով զբաղող միջգերատեսչական աշխատանքային խումբը ստեղծուած է վարչապետի որոշմամբ՝ 15 յունուարին:
Այս օրերուն ահազանգներ հնչած էին անվտանգային բազմաթիւ խնդիրներու մասին. Ատրպէյճիները կը շարունակեն մեթր առ մեթր առաջ գալ, արձակել կրակոցներ, որու հետեւանքով գիւղացիները կը վախնան անասնապահութեամբ, գիւղատնտեսութեամբ զբաղիլ:
