Համաձայն Սահմանային ելեկտրոնային տեղեկատուական համակարգի (ՍԷԿՏ) միջոցով ստացուած տուեալներու, 2022 թուականի օգոստոս ամսուն Հայաստան զբօսաշրջային այցելութիւնները կազմած են 261 834։
«Արմէնփրէս»-ի հաղորդմամբ, այս մասին յայտնած է ՀՀ Զբօսաշրջութեան կոմիտէն, նշելով, որ յունուար-օգոստոս ամիսներու ընթացքին Հայաստան ժամանած շուրջ 1 միլիոն 30 հազար զբօսաշրջիկ։
Նոյն ժամանակահատուածին Հայաստան զբօսաշրջային այցելութիւններու աճ ապահոված 5 երկիրներն են՝ Ռուսիան (շուրջ 45%), Վրաստանը (9%), Իրանը ( 7%), ԱՄՆ-ն ( 3 %) եւ Գերմանիան (1% )։
