«Քորոնա» ժահրով վարակուած Արցախի բնակիչին տեղափոխած են Երեւան։ Այս մասին 7 ապրիլին մամուլի ասուլիսի ժամանակ յայտարարած է Արցախի առողջապահութեան նախարար Արայիկ Բաղիրեանը։
Անոր խօսքերով՝ այդպիսի որոշում կայացուած է Հայաստանէն գործընկերներու հետ խորհրդակցութեան հետեւանքով, քանի որ քաղաքացին կը գտնուի վտանգի գօտիի մէջ, հաշուի առնելով այն, որ ան 60 տարեկան է։ «Որեւէ բողոք կամ ախտանիշ ան չունի»,- աւելցուցած է նախարարը։
Նշենք, որ «Քորոնա» ժահրով վարակուած քաղաքացին Արտաշատէն ժամանած է Արցախ։
