Կառավարութեան որշմամբ Ազգային անվտանգութեան ծառայութեան Սիւնքի մարզի Գորիս-Խնձորեսկ մայրուղիի հարեւանութեամբ 10 հեկտար մակերեսով հողատարածք պիտի յատկացուի: Հողամասին ընդհանուր արժէքը շուրջ 200 միլիոն դրամ է: Այս որոշման նախագիծը ընդգրկուած է ՀՀ կառավարութեան նիստի չզեկուցուող հարցերու ցանկին մէջ:
Հիմնաւորման մէջ նշուած է, որ Ագգային անվտանգութեան ծառայութեան սահմանապահ զօրքերը փուլային տարբերակով Պաշտպանութեան նախարարութենէն պիտի ընդունին հայ-ատրպէյճանական պետական ամբողջ սահմանի պահպանութիւնը, իսկ այդ նպատակով անհրաժեշտ է ԱԱԾ սահմանապահ զօրքերուն մէջ իրականացնել բարեփոխումներ:
Կը նախատեսուի սահմանապահ զօրքերու անձնակազմի թիւի աւելացում, զօրքի համար մշտական տեղակայման վայրերու կառուցում, պետական սահմանի ճարտարապետական կահաւորում:
