Այսօր առաւօտեան, Կիրակի, 27 Սեպտեմբեր 2020-ին, Ատրպէյճանական զինեալ ուժերը հռթիրային յարձակում գործած են Արցախի ճակատի բոլոր երկայնքին։ Հայաստանի եւ Արցախի զինեալ բանակը հակադարձած է եւ մեծ կորուստներ պատճառած թշնամիին։
Երուսաղէմի ՌԱԿ Էօժէն Բաբազեան ակումբի եւ ՀԵՄ-ի վարչութիւնները եւ բոլոր անդամ-անդամուհիները իրենց զօրակցութիւնը կը յայտնեն Հայոց բանակին եւ քաղաքական իշխանութեան։
Այժմ պահն է միասնականութեան, որ բռունցք դառնանք եւ մահացու հարուած տանք ոսոխին։
Ատրպէյճան՝ անտեսելով միջազգային բոլոր չափանիշներն ու համաձայնութիւնները, դարձեալ սադրանքի կը դիմէ, կրակ բանալով մեր սահմանապահ զինուորներու եւ խաղաղ բնակչութեան ուղղութեամբ, խախտելով զինադադարի օրէնքները: Մենք վստահ ենք, որ մեր քաջարի բանակը արդար հակահարուած կը հասցնէ։
ՌԱԿ Էօժէն Բաբազեան ակումբի եւ ՀԵՄ-ի վարչութիւնները եւ բոլոր անդամ-անդամուհիները իրենց խորազգաց ցաւակցութիւնը կը յայտնեն զոհերու ընտանիքներուն եւ բոլոր Հայ ազգին։ Թող Աստուած իր լոյսերուն մէջ հանգչեցնէ անոնց հոգիները եւ ընտանեկան պարագաներուն մխիթարութիւն պարգեւէ:
Փառք ու պատիւ Հայ զինուորին եւ մեր հզօր բանակին։
Պիտի յաղթենք՝
Կեցցէ Հայոց հզօր բանակը,
Կեցցէ Հայաստան աշխարհը, Արցախը եւ Հայ ազգը՝ ի Սփիւռս աշխարհի։
ԵՐՈՒՍԱՂԷՄԻ ՌԱԿ-Ի ԷՕԺԷՆ ԲԱԲԱԶԵԱՆ ԱԿՈՒՄԲԻ ՎԱՐՉՈՒԹԻՒՆ
ՀԱՅ ԵՐԻՏԱՍԱՐԴԱՑ ՄԻՈՒԹԵԱՆ ՎԱՐՉՈՒԹԻՒՆ
