Ատրպէյճանական յատուկ ծառայութիւնները Արցախի բնակիչները տարհանելու վերաբերեալ կրկին կեղծ լուրեր կը տարածեն։ Արցախի ԱԱԾ-ն յայտարարութիւն է տարածած է․
«Արցախի Հանրապետութեան ազգային անվտանգութեան ծառայութիւնը, հետամուտ լինելով տեղեկատուական անվտանգութեան ոլորտում օրէնսդրութեամբ իրեն վերապահուած գործառոյթների եւ լիազօրութիւնների իրականացմանը, իրազեկում է, որ ատրպէյճանական յատուկ ծառայութիւններն օգտագործելով Արցախի Հանրապետութեան քաղաքացիների «Ֆէյսպուք»-եան էջեր ԱՀ բնակիչներին տարհանելու վերաբերեալ կեղծ լուրեր են տարածում՝ նպատակ ունենալով խուճապ տարածել բնակչութեան շրջանում։
Կոչ ենք անում չտրուել կեղծ լուրերի եւ պահպանել հանգստութիւն: ԱՀ ԱԱԾ-ն լիովին վերահսկում է իրավիճակը հանրապետութեան տարածքում:
Կասկածելի բովանդակութեամբ տեղեկութիւններ ստանալու դէպքում դիմէք ԱՀ ԱԱԾ պաշտօնական կայքէջին կամ զանգահարէք թէժ գծի հեռախօսահամարներին՝ 047-94-41-26 եւ 41-26»,-ըսուած է Արցախի ԱԱԾ յայտարարութեան մէջ։
