«Ֆաքթոր» կայքէն կը կարդանք` «Արմէնբրես» պետական լրատուական գործակալութեան լիազօր ներկայացուցիչներ պիտի դառնան վարչապետի մամուլի խօսնակ Մանէ Գէորգեանն ու աշխատակազմի ղեկավար Էտուարտ Աղաջանեանը: Այս մասին կառավարութիւնը այսօր համապատասխան որոշում պիտի ընդունի:
Նախագիծը, ի դէպ, ընդգրկուած է չզեկուցուող հարցերու ցանկին մէջ: Ընդ որում, գործակալութեան զգալի մասի՝ 51 տոկոս բաժնեմասի լիազօր ներկայացուցիչը պիտի ըլլայ Էտուարտ Աղաջանեանը, 49-ը՝ Մանէ Գէորգեանը:
Նշենք, որ գործող որոշմամբ «Արմէնբրես»-ի 50 տոկոս բաժնետոմսը կը պատկանի վարչապետի աշխատակազմի «Հանրային կապերու եւ տեղեկատւութեան կեդրոն» ՊՈԱԿ-ի տնօրէնի, իսկ 25-ական տոկոսները ՀՀ վարչապետի մամուլի քարտուղարին եւ ՀՀ կառավարութեան աշխատակազմի տեղեկատւութեան եւ հասարակայնութեան հետ կապերու վարչութեան պետին:
