Հայաստանի Հանրապետութեան նախագահ Արմէն Սարգսեանի հրամանագրով Արմէն Աբազեանը նշանակուած է ՀՀ ազգային անվտանգութեան ծառայութեան տնօրէն: Հրամանագիրը հրապարակուած է ՀՀ նախագահի պաշտօնական կայքին մէջ:
«Հիմք ընդունելով վարչապետի առաջարկութիւնը` համաձայն Սահմանադրութեան 133-րդ յօդուածի 1-ին մասի, ինչպէս նաեւ «Ազգային անվտանգութեան մարմիններու մասին» օրէնքի 4.1-ին յօդուածի 1-ին մասի. Արմէն Աբազեանը նշանակել Հայաստանի Հանրապետութեան ազգային անվտանգութեան ծառայութեան տնօրէն»,-ըսուած է ՀՀ նախագահի հրամանագրին մէջ:
Յիշեցնենք, որ ՀՀ ազգային անվտանգութեան ծառայութեան տնօրէնի պաշտօնակատար Միքայէլ Համբարձումեանը աւելի վաղ ազատուած էր իր պաշտօնէն։
