Պուտապեշտի մէջ շարունակուող ազատ ոճի ըմբշամարտի միջազգային մրցաշարին 57 քկ քաշայիններու կիսաեզրափակիչին Արսէն Յարութիւնեանը փայլուն յաղթանակ տարած է: Ան 10-0 հաշուով առաւելութեան հասած է ուքրանացի Անտրէյ Եացենքոյի նկատմամբ:
Յիշեցնենք, որ 1/4 եզրափակիչին Արսէնը 10-5 հաշուով պարտութեան մատնած էր վրացի Պեքա Պուճիաշվիլիին, իսկ որակաւորման փուլին 10-2 հաշուով յաղթած էր պելառուս ըմբիշ Վլատիսլավ Անտրէեւին:
Այսպիսով` Արսէնը նուաճած է Ողիմպիական խաղերու ուղեգիր եւ դուրս եկած է եզրափակիչ, ուր այսօր պիտի մրցի պուլկարացի Կէորկի Վանկելովի հետ:
