Հայաստանի յունահռոմէական ոճի ըմբշամարտի հաւաքականի անդամ` Մալխաս Ամոյեան նախորդ շաբաթավերջին հանդիսացաւ Եւրոպայի ախոյեանութեան տիտղոսակիր:
Հունգարիոյ մայրաքաղաք Պուտափեշտի մէջ տեղի ունեցող Եւրոպայի ախոյեանութեան 77 քկ դասակարգի աւարտականին, Ամոյեան, որ մրցեցաւ թուրք Եունուս Էմրէ Պաշարի դէմ, արձանագրեց 4-3 արդիւնքով յաղթանակ մը:
Այս գօտեմարտէն ետք թուրք ըմբիշը արցունքոտ աչքերով հեռացաւ ռինկէն:
Նշենք, որ Ամոյեան նոր փոխեց իր քաշային կարգը:
Նախապէս Ամոյեան հանդէս կու գար 72 քկ դասակարգին մէջ, դարձած էր աշխարհի ախոյեան:
