Արցախի Հանրապետութեան առողջապահութեան նախարարութենէն ստացուած տեղեկատւութեան համաձայն, նոր «Քորոնա» ժահրի վարակը հաստատուած է եւս 8 քաղաքացիի մօտ, որոնք Շահումեանի շրջանին հաստատուած վարակի օճախի նոյն շրջանակէն են:
Անոնց նախապէս մեկուսացուցած էին համապատասխան վայրերու մէջ: Նոր վարակակիրներուն մէջ նաեւ Ստեփանակերտի բնակիչներ կան եւ բժիշկներու հսկողութեան ներքոյ կը շարունակեն մեկուսացման վայրը մնալ:
Ընդհանուր առմամբ, Արցախի մէջ նոր «Քորոնա» ժահրով հիւանդութեան դէպք գրանցուած է 54 քաղաքացիի քով, որմէ 26-ը արդէն առողջացած են: Մեկուսացուած է 100 քաղաքացի, ընդհանուր քննութիւններու քանակը 926 է:
