Արցախա-ատրպէյճանական շփման գիծի ամբողջ երկայնքով 27 սեպտեմբերի վաղ առաւօտէն Թուրքիոյ գործուն աջակցութեամբ Ատրպէյճանի սանձազերծած լայնամաշտապ ռազմական գործողութիւններու հետեւանքով Արցախի Հանրապետութեան աւելի քան 24 հազար երեխայ զրկուած է կրթութեան իրաւունքը իրացնելու հնարաւորութենէն՝ դպրոց յաճախելէն: Այս մասին կը յայտնէ ԿԳՄՍՆ-ն։
Հակառակ ստանձնած միջազգային պարտաւորութիւններուն՝ Ատրպէյճանը կը շարունակէ միջազգային իրաւունքի չափանիշերով արգիլուած զինատեսակներէն հրետակոծել նոյնիսկ կրթական հաստատութիւնները: Ռազմական յարձակման հետեւանքով վնասուած են 10-էն աւելի դպրոցներու, ինչպէս նաեւ շարք մը մանկապատէզներու շէնքներն ու օժանդակ շինութիւնները: Ատրպէյճանական յարձակման պատճառով հազարաւոր երեխաներ զրկուած են նաեւ մանկապարտէզ յաճախելու հնարաւորութենէն, երիտասարդները չեն շարունակեր կրթութիւնը բուհերէն ներս:
