Ա. Քեարամեան ազատուած է ԱԱԾ տնօրէնի պաշտօնէն, նշանակուած է նոր ղեկավար

ՀՀ նախագահ Արմէն Սարգսեանի հրամանագրով Արգիշտի Քեարամեանը ազատուած է ԱԱԾ տնօրէնի պաշտօնէն։ «Հիմք ընդունելով վարչապետի առաջարկութիւնը` համաձայն Սահմանադրութեան 133-րդ յօդուածի 1-ին մասի, ինչպէս նաեւ «Ազգային անվտանգութեան մարմիններու մասին» օրէնքի 4.1-ին յօդուածի 1-ին մասի. Արգիշտի ՔԵԱՐԱՄԵԱՆԸ ազատել Հայաստանի Հանրապետութեան ազգային անվտանգութեան ծառայութեան տնօրէնի պաշտօնէն»,-նշուած է հրամանագրին մէջ։ «Հիմք ընդունելով վարչապետի առաջարկութիւնը` համաձայն Սահմանադրութեան 139-րդ յօդուածի 1-ին մասի, ինչպէս նաեւ «Ազգային անվտանգութեան մարմիններուն մէջ ծառայութեան մասին» օրէնքի 23-րդ յօդուածի 1-ին եւ 3-րդ մասերուն.   Միքայէլ ՀԱՄԲԱՐՁՈՒՄԵԱՆԸ նշանակել Հայաստանի Հանրապետութեան ազգային անվտանգութեան ծառայութեան տնօրէնի պարտականութիւններու ժամանակաւոր կատարող»,-նշուած է նախագահի միւս հրամանագրին մէջ: