Գէորգ Մխէյեանը՝ Թախթիի Գաւաթի արծաթէ մետալակիր

70 քկ քաշային Գէորգ Մխէյեանը արծաթէ մետալ նուաճած է Թեհրանի մէջ աւարտած Թախթիի Գաւաթի 40-րդ խաղարկութեան։ Նոյն քաշային կարգին պրոնզէ մետալ նուաճած է Արման Անդրէասեանը։ Այս մասին կը հաղորդէ Հայաստանի ըմբշամարտի ֆետերացիայի մամուլի ծառայութիւնը: Պրոնզէ պարգեւի արժանացած են նաեւ 74 քկ քաշային Խաչատուր Պապիկեանը եւ 86 քկ քաշային Մհեր Մարկոսեանը։ Հայ ազատ ոճայինները հայրենիք կը վերադառնան 6 մետալով՝ 2 արծաթէ ու 4 պրոնզէ։ Նախօրէին 57 քկ քաշային կարգի մէջ արծաթէ մետալակիր դարձած էր Արսէն Յարութիւնեանը, իսկ նոյն քաշային կարգի պրոնզէ մետալը բաժին հասած էր Միհրան Ճապուրեանին։