ՀՀ վարչապետ Նիկոլ Փաշինեանն այսօր ըսած է, որ առնուազն մէկ շաբաթ խիստ սահմանափակումներ պիտի կիրառուին քաղաքացիներու տեղաշարժի հետ կապուած:
«Այսօրուընէ տունէն պէտք է դուրս գալ միայն կենսական անհրաժեշտութեան պարագային եւ ունենալով անձը հաստատող փաստաթուղթ: Փողոց դուրս եկած մեր քաղաքացիները պէտք է բացատրութիւն ունենան, թէ ինչու դուրս եկած են»,- ըսած է վարչապետը:
Ան տեղեկացուցած է, որ պարէտատունը սահմանած է յատուկ ձեւաթուղթ, որ պէտք է լրացնել:
Նիկոլ Փաշինեանը կոչ ըրած է նաեւ 2 հոգիէ աւելի չհաւաքուիլ միեւնոյն վայրին մէջ, եւ իրարմէ պահպանել 10 մ հեռաւորութիւն:
Ան տեղեկացուցած է, որ այսօր՝ 18:30-ի դրությամբ, Հայաստանի մէջ գրանցուած է «Քորոնա» ժահրի 249 դէպք, մէկի վիճակը ծայրայեղ ծանր է՝ 77-ամեայ քաղաքացիի, չորսինը՝ ծանր:
«Պէտք է ամէն ինչ ընենք՝ մահուան ելքերով դէպքերը բացառելու համար»,- ըսած է վարչապետը:
