Երուսաղէմի Հայոց պատրիարքարանի անշարժ գոյքի վարչութեան պետ, քահանայ՝ Պարէթ Երէցեան յայտնած է, որ Երուսաղէմի հայկական մանկապարտէզի վերանորոգման աշխատանքներուն ժամանակ կարեւոր հնագիտական նիւթեր յայտնաբերուած են, որոնք մանրամասն ուսումնասիրութեան կարիք ունեն: Ինչպէս կը հաղորդէ «Արմէնբրես»-ը, այդ մասին հաղորդած է regionmonitor.com-ը:
Արժէքաւոր գտնուածներէն է մեծ խաչքարը, որ թուագրուած է 12-րդ դարու կամ աւելի վաղ շրջանին: Այն տիպիկ հայկական խաչ է՝ «Տէր Յիսուս, յիշիր» գրութեամբ, ներքեւը պատկերուած է հայկական ծաղկած խաչ, ինչպէս նաեւ խաղողի նախշեր:
Յայտնաբերուած է նաեւ խճանկար, դատելով ոճէն՝ հաւանաբար կը պատկանի բիւզանդական ժամանակաշրջանին: Խճանկարները տեղակայուած են շէնքերու մնացորդներուն մէջ, որոնց թուագրումը դեռ պարզ չէ: Յայտնաբերուած են նաեւ բիւզանդական եւ (կամ) մամլուքեան ժամանակաշրջանի պղնձեայ մետաղադրամներ:
Այսպիսով, ցոյց կը տրուի Երուսաղէմի Հայոց Պատրիարքութեան Երուսաղէմի մէջ վաղ հայկական ներկայութիւնը եւ ուխտագնացութիւնը:
