Ապրիլի 5-ին, Երեւանի Ազատութեան հրապարակին վրայ տեղի ունեցաւ խորհրդարանական ընդդիմադիր ուժերուն կողմէ հրաւիրուած հանրահաւաքը:
«Պաշտպանելով Արցախը` պաշտպանենք Հայաստանը» կարգախօսով հանրահաւաքի աւարտին ցուցարարները շարժեցան դէպի Ֆրանսայի հրապարակ:
Հանրահաւաքին ունկնդրի կարգավիճակով ներկայ էր նաեւ Հայաստանի երրորդ նախագահ Սերժ Սարգսեանը: Ներկայ չէր Ռոպերթ Քոչարեանը: Աւելի վաղ անոր մամուլի խօսնակը ըսած էր, որ վերջինս պիտի չկարողանայ ներկայանալ առողջական խնդիրներու պատճառով:
«Իրազեկ Քաղաքացիների Միաւորումը» նկարահանման միջոցով իրականացուցած է ցոյցի մասնակիցներու հաշուարկ, որու արդիւնքով պարզուած է, որ Ազատութեան հրապարակին վրայ գտնուած է շուրջ 11,200 մարդ:
