Խորհրդարանական ընտրութիւններու հրապարակուած արդիւնքները խիստ վիճայարոյց են եւ վստահութիւն չեն ներշնչեր, ըսուած է «Հայաստան» դաշինքի տարածած յայտարարութեան մէջ:
«Դրանք ծայրայեղ հակասութեան մէջ են մտնում հանրային կեանքի տարբեր դրսեւորումների հետ, որոնց ականատեսն ենք եղել անցած 8 ամիսների ընթացքում, հանրային կարծիքի ուսումնասիրութեան բոլոր արդիւնքների հետ՝ այդ թուում միջազգային, վերջապէս՝ պարզ բանականութեան հետ:
Քարոզարշաւի ընթացքում ընդդիմադիր ուժերի խիստ բազմամարդ հաւաքները եւ իշխանութեան ակնյայտ սակաւամարդ միջոցառումները, երկրում առկայ վստահութեան ճգնաժամը մատնացոյց էին անում լրիւ այլ հանրային տրամադրութիւնների առկայութիւնը:
Վստահութեան պակասի լրջագոյն հիմք են հանդիսանում բուն ընտրութեան օրը տարբեր տեղամասերից եկող հարիւրաւոր ահազանգերը, որոնք վկայում են ընտրութեան արդիւնքների համակարգուած եւ նախապէս պլանաւորուած կեղծարարութեան մասին:
Հաշուի առնելով վերոգրեալը՝ «Հայաստան» դաշինքը խնդիր է դնում արձանագրուած եւ ենթադրուող խախտումների խորը եւ փաստարկուած ուսումնասիրութեան, ինչին ձեռնամուխ ենք լինում անմիջապէս:
Քանի դեռ բոլոր խնդրայարոյց հարցերը չեն ստացել սպառիչ բացատրութիւններ, եւ փարատուած չեն կասկածները, «Հայաստան» դաշինքը չի ընդունելու ընտրութիւնների արդիւնքները»,- ըսուած է հաղորդագրութեան մէջ:
