Նոյեմբեր 4-ի լոյս 5-ի գիշերը ճակատային գիծի բոլոր ուղղութիւններով յարաբերական կայուն լարուածութիւնը պահպանուած է: Թշնամական ուժերը առանձնակի աշխոյժութիւն դրսեւորած են արեւելեան, հարաւ-արեւելեան ու հարաւային ուղղութիւններով:
Հակառակորդի գրոհային խումբերու կողմէ ձեռնարկուած բազմակի գրոհները ՊԲ ստորաբաժանումներու կողմէ յաջողութեամբ կասեցուած են: Թշնամին կրած է մարդկային ուժի եւ ռազմական սարքերու լուրջ կորուստներ:
Հակառակորդը երկու գրոհային խումբերու կազմով յարձակման փորձ ձեռնարկած է նաեւ հիւսիսային հատուածին մէջ, որոնք ժամանակին հաւաստանշուած եւ ոչնչացուած են բանակային ստորաբաժանումներու կողմէ: Օրուայ ընթացքին Արցախի խաղաղ բնակավայրերը շարունակած են մնալ թշնամական ուժերու հրթիռահրետանային կրակի թիրախային գօտիի մէջ:
Ներկայ պահուն թշնամական ուժերու՝ յարձակման փորձերը նշուած ուղղութիւններով կը շարունակուին:
Մարտավարական իրադրութիւնը ճակատային գիծի ամբողջ երկայնքով կը վերահսկուին ՊԲ ստորաբաժանումներու կողմէ:
