Հայաստանի ծանրամարտի հաւաքականի անդամ Սիմոն Մարտիրոսեանը դարձաւ 32-րդ ամառնային Ողիմպիական խաղերու արծաթէ մետալակիր:
Ճափոնի մայրաքաղաք Թոքիոյի մէջ ընթացող Ողիմպիական խաղերու ծանրամարտի 109 քկ քաշային կարգին Մարտիրոսեանը պոկում վարժութեան առաջին մօտեցման բարձրացուցած է 190 քկ, այնուհետ` 195, որ Ողիմպիական խաղերու համար մրցանշային քաշ է եւ երրորդ մօտեցման պատուիրած է 198 քկ, սակայն չէ բարձրացուց այն:
Հրում վարժութիւնը Մարտիրոսեանը սկսած է 228 քկ-էն եւ կարողացած է այն պահել գլուխէն վեր: Յետոյ չէ բարձրացուցած 238 քկ. կշռող ծանրաձողը. վերջին մօտեցման ժամանակ եւս Սիմոն Մարտիրոսեանը չէ կարողացած բարձրացնել նոյն քաշը:
Երկամարտի 423 քկ արդիւնքով Սիմոն Մարտիրոսեանը կրկին երկրորդն է Ողիմպիական խաղերուն մէջ: Ոսկեայ մետալը նուաճած է Ուզպեքիստանի ներկայացուցիչ Աքպար Ճուրաեւը:
Սիմոն Մարտիրոսեանը 2016 թուականի Ողիմպիական խաղերու արծաթեայ մետալակիր է, աշխարհի եւ Եւրոպայի առաջնութիւններու կրկնակի ախոյեան:
