Ոստիկանութիւնը կը տեղեկացնէ, որ ժամանակաւորապէս կ’արգիլուի բոլոր անձանց մուտքն Արցախի Հանրապետութիւն:
«Հայաստանի Հանրապետութեան մէջ յայտարարուած արտակարգ դրութեամբ պայմանաւորուած՝ «Քորոնա» ժահրային համավարակի կանխարգելման ուղղութեամբ իրականացուող աշխատանքներու արդիւնաւէտութեան ապահովման նպատակով՝ ՀՀ ճանապարհային ոստիկանութեան եւ տարածքային ստորաբաժանումներու ուժերով Արցախի Հանրապետութիւն տանող ճանապարհներուն (Սոթք-Քարվաճառ ճանապարհ, Տեղ եւ Սիւնիք գիւղերէն դէպի Արցախ սահմանային հատուած) անյապաղ պիտի նշանակուին կայուն պահակէտեր՝ ժամանակաւորապէս արգիլելով բոլոր անձանց մուտքն Արցախի Հանրապետութիւն:
Բացառութիւն կ’ըլլայ.
— Արցախի Հանրապետութեան մէջ հաշուառում ունեցող անձանց,
— բեռնափոխադրում իրականացնող փոխադրմիջոցներու՝ այդ շարքին բեռնատարներու համար՝ անկախ բեռնուածութենէն, իսկ մարդատար մեքենաներուն՝ պարտադիր բեռնուած ըլլալու պարագային,
-Արցախի մէջ կայանալիք ընտրութիւններուն դիտորդական առաքելութիւն իրականացնող անձանց եւ լրագրողներու համար՝ համապատասխան փաստաթուղթերու առկայութեան պարագային»,- նշուած է Ոստիկանութեան հաղորդագրութեան մէջ։
