Իրանական Mehr լրատուական գործակալութիւնը փոքր տեղեկութիւն հրապարակած է Արեւմտեան Ատրպէյճան նահանգը գտնուող Սուրբ Թադէի հայկական վանքի մասին։
«Սուրբ Թադէի վանքը հնագոյն հայկական վանք է Իրանի Արեւմտեան Ատրպէյճան նահանգի լեռնային տեղանքին մէջ։
Վանքը, որ յայտնի է նաեւ Ղարա Քիլիսա անունով, կը գտնուի Չալտորան քաղաքէն մօտ 20 քիլոմեթր հեռաւորութեան վրայ: Այն կը համարուի աշխարհի ամենահին եկեղեցական շինութիւններէն մէկը»,- նշած է իրանական լրատուամիջոցը, որ հրապարակած է նաեւ հայկական վանքի լուսանկարները։
