Արցախի Հանրապետութեան պետական նախարար Գրիգորի Մարտիրոսեանը РИА Новости-ն տուած հարցազրոյցին մէջ նշած է, որ ԼՂՀ-ն դիմած է Ռուսաստանի կառավարութեան՝ խնդրելով աջակցիլ յետպատերազմական իրավիճակին մէջ տեղահանուած բնակիչներու տեղաբաշխման հարցով: Օգնութեան մէկ մասը Մոսկուան արդէն յատկացուցած է:
Ինչպէս յայտնած է արցախցի պաշտօնեան, տարածաշրջանին մէջ վերջին ռազմական հակամարտութեան ընթացքին մօտ 35-45 հազար արցախցիներ զրկուած են տանիքէ: Անոնց շարքին են ինչպէս հրետակոծութեան հետեւանքով աւերուած տուներու բնակիչները, այնպէս ալ անոնք, որոնց տուները գտնուած են Ատրպէյճանի վերահսկողութեան տակ անցած տարածքներուն մէջ:
«Այդ մարդոց մեծ մասը այսօր Հայաստան կը գտնուի: Ի հարկէ, անոնց վերադարձնելու համար մենք պէտք է անոնց ապահովենք գոնէ կեանքի, կենցաղի համար անհրաժեշտ նուազագոյն պայմաններով: Դա կառավարութեան առաջնահերթ խնդիրն է: Անոնց, ովքեր վերադառնում են, մենք անմիջապէս ժամանակաւոր կացարան ենք տրամադրում: Կ’օգտագործենք նաեւ հիւրանոցներն ու հասարակական շինութիւնները»,-ըսած է Մարտիրոսեանը:
Անոր խօսքով՝ ԼՂՀ իշխանութիւնները օգնութեան համար դիմած են նաեւ ՌԴ կառավարութեան: «Այսօրուայ դրութեամբ այս հարցը քննարկւում է: Օգնութեան մի մասն արդէն յատկացուել է. դա ե՛ւ շինանիւթ է, ե՛ւ առաջին անհրաժեշտութեան ապրանքներ, ինչպէս օրինակ՝ ծածկոցներ եւ նմանօրինակ իրեր»,- աւելցուցած է գործիչը:
