ԱՄՆ Ծերակոյտի արտաքին յարաբերութիւններու յանձնաժողովի նախագահ Ռոպերթ Մենենտեսը Թուիթըրով անդրադարձած է Արցախի մէջ վերջին օրերու լարուածութեան:
«Տեղեկութիւնները այն մասին, որ ատրպէյճանական ուժերը մտած են Լեռնային Ղարաբաղի որոշ հատուածներ եւ անօդաչու թռչող սարքերով հարուածներ հասցուցած են տարածաշրջանի ինքնապաշտպանական ուժերուն, չափազանց մտահոգիչ են:
Կոչ կ’ընեմ ատրպէյճանական ուժերուն ետ քաշուելու իրենց սկզբնական դիրքերը եւ անյապաղ դադրեցնելու չհրահրուած յարձակումները», գրած է ան:
