Ֆրանսայի ազգային հաւաքականի նախկին ֆութպոլիսթ, հայկական արմատներ ունեցող Եուրի Ճորքայէֆը նշանակուած է FIFA-ի բարեգործական հիմնադրամի՝ FIFA Foundation-ի ղեկավար։ Այս մասին տեղեկութիւնները հաստատած են համաշխարհային ֆետերացիայի ներկայացուցիչները:
Ճորքայէֆը պիտի ղեկավարէ FIFA-ի հիմնադրամի գործունէութիւնը՝ աշխարհով մէկ մարզական ենթակառուցուածքներու վերականգնման եւ ընկերային զարգացման, սփորթի հանրահռչակման ուղղութեամբ։
Հայազգի ֆութպոլիսթը, յիշեցնենք, աշխարհի ու Եւրոպայի ախոյեան դարձած է Ֆրանսայի հաւաքականի կազմին մէջ։ Ան փութպոլը թողած է 2006 թուականին։
