Ատրպէյճանի արտաքին գործոց նախարար Ճէյհուն Պայրամով յայտարարած է, որ Հայաստանի եւ Ատրպէյճանի միջեւ յարաբերութիւններու կարգաւորմանն այլընտրանք չկայ։ Ինչպէս հաղորդած է «Արմէնփրէս»-ը, վկայակոչելով ատրպէյճանական լրատուամիջոցները, Ճէյհուն Պայրամովն այս մասին ըսած է Իսրայէլի արտաքին գործոց նախարար Էլի Քոհենի հետ հանդիպումէն ետք կայացած ասուլիսի ընթացքին։
Պայրամով նշած է, որ յարաբերութիւններու կարգաւորումը պէտք է հիմնուած ըլլայ իրար տարածքային ամբողջականութեան եւ ինքնիշխանութեան փոխադարձ ճանաչման վրայ։
Հակառակ ակնյայտ փաստին, որ Ատրպէյճանէն ամէն օր յարձակողական հռետորաբանութիւն ու սպառնալիքներ կը հնչեն Հայաստանի հասցէին՝ Պայրամով Հայաստանը մեղադրած է թշնամական հռետորաբանութեան մէջ։ Ան յայտարարած է, որ 44-օրեայ պատերազմէն ետք Ատրպէյճանը առաջ կը մղէ խաղաղութեան օրակարգը, սակայն Հայաստանը կը սպառնայ յարձակողական հռետորաբանութեամբ։
