ՀՀ առողջապահութեան նախարարութիւնը, 31 մարտին ամփոփելով 30 մարտի տուեալները, յայտարարած է, որ կայ «Քորոնա» ժահրային հիւանդութեան հաստատուած 50 նոր դէպք:
Այս մասին Ֆեյսպուքի իր էջին տեղեկացուցած է ՀՀ առողջապահութեան նախարարի մամուլի խօսնակ Ալինա Նիկողոսեանը:
«Անոնցմէ 23-ը գտնուած է քարանթինի մէջ, 24-ը հաստատուած դէպքի հետ շփում ունեցած է: Երեք դէպքի շփման շրջանակ կը պարզուի»,- նշած է Նիկողոսեանը:
Հայաստանի մէջ «Քորոնա» ժահրի հաստատուած դէպքերու թիւը հասած է 532-ի, արձանագրուած է մահուան 3 դէպք։ Երեսուն հիւանդ ապաքինուած է։
