Սահմանադրական դատարանը (ՍԴ) երեք նոր դատաւոր ունի։
Ազգային ժողովը 15 Սեպտեմբերին ընտրեց բոլոր երեք թեկնածուները՝ Երուանդ Խունդկարեան, Էտկար Շաթիրեան եւ Արթուր Վաղարշեան: Խունդկարեանի թեկնածութիւնը առաջադրած էր Դատաւորներու ընդհանուր ժողովը, Վաղարշեանինը՝ նախագահը, Շաթիրեանինը՝ կառավարութիւնը:
Ընդդիմադիր երկու խմբակցութիւնները քուէարկութեան, ինչպէս յայտարարած էին երէկ, չմասնակցեցան:
«Սահմանադրական դատարանի համար առաջադրուած է Երուանդ Խունդկարեանի թեկնածութիւնը, իսկ ձայները բաշխուած են հետեւեալ կերպ՝ կողմ՝ 84, դէմ՝ 2: Սահմանադրական դատարանի դատաւորի ընտրութեան համար առաջադրուած է Արթուր Վաղարշեանի թեկնածութիւնը, քուէատուփին մէջ առկայ էր 88 քուէաթերթիկ, որոնցմէ անվաւեր ճանաչուեցաւ մէկը, իսկ ձայները բաշխուած են հետեւեալ կերպ՝ կողմ՝ 86, դէմ՝ 1: Սահմանադրական դատարանի դատաւորի ընտրութեան համար առաջադրուած է Էտկար Շաթիրեանի թեկնածութիւնը, անոր ազգանունն ընդգրկուած է գաղտնի քուէարկութեան քուէաթերթիկին մէջ. կողմ՝ 85, դէմ՝ 3», — յայտարարած է Վահագն Մակուչեանը:
Ընտրուած դատաւորները իրենց լիազօրութիւնը կը ստանձնեն ԱԺ-ի մէջ երդման արարողութենէն յետոյ։
ՍԴ -ի թափուր տեղերը առաջացան Յունիսին ընդունուած սահմանադրական փոփոխութիւններու ընդունուելէն յետոյ, երբ ՍԴ-ի նախագահի պաշտօնէն հեռացուեցաւ Հրայր Թոմվասեանը եւ իրենց պաշտօնը կորսնցուցին 12 տարիէն աւելի պաշտօնավարած երեք դատաւորները։
