Ճշդուած տեղեկութիւններով, 28 Յուլիսին, ատրպէյճանական Զինուած ուժերու կողմէ իրականացուած սադրանքի հետեւանքով հայկական կողմի վիրաւորներու ճշգրիտ թիւը 4-ն է։ Այս մասին կը հաղորդեն Հայաստանի ՊՆ-էն:
Ժամը 13։00-ի դրութեամբ իրադրութիւնը հայ-ատրպէյճանական սահմանի Գեղարքունիքի հատուածին մէջ կայուն է, կրակի դադարեցման պայմանաւորուածութիւնը հիմնական կը կատարուի։
Սահմանի մնացած հատուածներուն մէջ իրադրութիւնը յարաբերականորեն հանգիստ է։
Յիշեցնենք, որ 28 Յուլիսին, ժամը 03:40-ի սահմաններուն, ատրպէյճանական ԶՈւ ստորաբաժանումները հերթական անգամ դիմած են սադրանքի եւ խախտած հրադադարը հայ-ատրպէյճանական սահմանը հիւսիս-արեւելեան հատուածին մէջ: Ըստ ՊՆ–ի հաղորդագրութեան՝ ընթացած են տեղային մարտեր: Ժամը 08։30-ի դրութեամբ, հայկական կողմը ունի երեք զոհ եւ 4 վիրաւոր։
Ըստ ՊՆ-ի՝ ժամը 9։20-ի դրութեամբ, ատրպէյճանական ստորաբաժանումները, տալով կորուստներ, ետ շպրտուած են իրենց ելման դիրքեր։ Փոխհրաձգութիւնը շարունակուած է:
Աւելի ուշ, ՊՆ–էն յայտնած են, որ ՌԴ խաղաղապահ զօրքերու հրամանատարութեան միջնորդութեամբ ձեռք է բերուած է պայմանաւորուածութիւն հիւսիս-արեւելեան ուղղութեամբ հայ-ատրպէյճանական զօրքերու շփման գիծին վրայ հրադադարի ռեժիմը վերականգնելու վերաբերեալ։ Այս պահուն, նշուած պայմանաւորուածութիւնը հիմնական կը կատարուի։
