Սա հերթական ապացոյցն է, որ կը հաստատէ ահաբեկչական մեթոտներով էթնիք զտումներու ու ցեղասպանութեան համակարգուած ատրպէյճանական քաղաքականութիւնը Արցախի մէջ: Այս մասին իր դիմատետրի էջին գրառում կատարած է ՀՀ ՄԻՊ Արման Թաթոյեանը եւ հրապարակեած գերի ինկած հայ տարեց քաղաքացիի մասին տեսանիւթը:
«Այս տեսանիւթին մէջ ատրպէյճանական զինուորականները կը նուաստացնեն տարեց մարդը, էթնիք հայը, անոր բացառիկ ցինիզմով կ’ենթարկեն բացայայտ անմարդկային վերաբերմունքի:
Այդ կ’ընեն միայն այն բանի համար, որ մարդը էթնիք հայ է. ատելութիւնը Ատրպէյճանի մէջ այնքան համակարգուած է ու պետական մակարդակով կը խրախուսուի այնքան բարձր, որ այս զինուորականներուն չի հետաքրքրեր, որ մարդը անօգնական է, տարեց է եւ ունի մարդկային արժանապատւութիւն:
Հակառակը՝ անոնք մարդոց կ’արժանացնեն այսպիսի վերաբերմունքի ու յետոյ այդ լայնօրէն կը տարածէ ընկերային ցանցերով՝ սեփական հասարակութեան մէջ գովեստի ու թուացեալ «հերոսութեան» արժանանալու համար:
Մէկ կարեւոր փաստ. այս արարքը ոչ թէ խումբ մը զինծառայողներու առանձին յանցագործութիւն է, այլ 2020 թուականի սեպտեմբեր-նոյեմբեր ամիսներու պատերազմի ընթացքին ատրպէյճանական լայնածաւալ ու պետական բարձր մակարադակով խրախուսուող յանցաւոր արարքներու՝ խոշտանգումներու ու վայրագութիւններու, դաժանութիւններու համակարգի անբաժան բաղադրիչ:
Սա հերթական ապացոյցն է, որ կը հաստատէ ահաբեկչական մեթոտներով էթնիք զտումներու ու ցեղասպանութեան համակարգուած ատրպէյճանական քաղաքականութիւնը Արցախի մէջ:
Այսպիսի արարքները ոչ միայն արգիլուած են մարդկութեան յայտնի բոլոր միջազգային պահանջներով, այլ անոնք նոյնիսկ մարդկային երեւակայութեան մէջ չեն տեղաւորուիր:
Արցախի մարդու իրաւունքներու պաշտպանի հետ ներկայիս կ’ամփոփենք՝ այս ապացոյցի ամրագրման, անհրաժեշտ ձեւակերպումներու ու միջազգային մարմիններուն ներկայացնելու համար»:
